Karajaan Sumedang larang anu ngadeg satutas runtagna Karajaan Pajajaran (Pakuan) alatan di serang ku konfirasina Karajaan Banten ti beulah kulon, karajaan Cirebon jeung Mataram oge Jayakarta. Pikeun nyalametkeun pamor karajaan sunda tur ngadegkeun eksistensi karajaan nya diutus 4 panakawan Pajajaran anu katelah kandaga lante ka Sumedang Larang, nya ti harita nanjeurna Karajaan Sumedang Larang anu dicirian ku diistrenanana Prabu Geusan Ulun jadi raja Sumedang Larang kalawan make makuta Pajajaran.
Kakawasaan karajaan Sumedang Larang ampir sarua legana jeung wilayah Provinsi Jawa Barat ayeuna kajaba wilayah Cirebon.
Ku kaayaan eta, urang Sumedang mah ngarasa reueus nepi ka ayeuna oge lamun maca sajarah Sumedang Larang, sabab sakitu lega kakawasaanana jeung pamor Sumedang Larang lantaran di hanteu-hanteu oge panerus karajaan Pajajaran.
Ciciren kungsi ayana karajaan Sumedang Larang anu bisa dibuktikeun dina danget ieu aya di Musium Sumedang. Diantarana makuta raja nu di taretes emas anu dibawa ku 4 panakawan kandaga lante ti karajaan Pajajaran, Pedang embah Jaya Perkosa, keris Prabu Geusan Ulun jeung pakakas perang saperti tumbak, kujang. Eta titinggal karajaan Sumedang Larang teh diruat jeung dipupusti di musium Kabupaten Sumedang.
Di musium Sumedang oge salian pakakas nu tadi aya oge kareta karajaan paranti upacara kanagaraan, kareta karajaan nu nepi ka ayeuna aya di musium Sumedang ngarana "Kareta Kencana Naga Paksi" anu ditempatkeun diruangan khusus kareta di sagigireun ruangan kasenian.
Kitab atawa Qur'an jaman baheula oge aya, photo-photo Adipati Sumedang (saba'da runtagna karajaan Sumedang Larang), peta situs Sumedang larang nepi ka lukisan Pangeran Kornel keur sasalaman jeung Gubernur Daendles waktu ngawangun jalan pos Anyer-Panarukan di Cadas Pangeran anu ngabalukareun lobana korban warga masyarakat Sumedang harita.
Ngan hanjakal titinggal karajaan Sumedang larang di musium Sumedang teh teu kapintonkeun kabeh alatan aya sababaraha pakakas anu kudu diruwat di ruang khusus, dipiarana oge make campuran zat kimia. Oge masih kurangna visualisasi atawa gambaran ngeunaan Raja oge kandaga lante nu kuduna mah diwujudkeun ku gambar atawa lukisan.
Sajaba ti kitu musium teh ceuk pamikiran nu nulis dina waktu kamari datang ka musium. asa kurang daria ngurus musium teh padahal eta teh titinggal karajaan gede di tatar Sumedang malah di tatar Pasundan. Mudah-mudahan ka hareupna ieu musium Sumedang teh bisa diurus bener-bener, nepi ka lamun aya tamu teh bisa ngarasa jeung bisa nyawang kumaha gambaran Sumedang Larang sagemblengna, sajaba ti kitu ku digarapna nu profesional, musium oge ngarupakeun asset pemda nu bakal ngadatangkeun PAD Kab. Sumedang, wilujeng
Di musium Sumedang oge salian pakakas nu tadi aya oge kareta karajaan paranti upacara kanagaraan, kareta karajaan nu nepi ka ayeuna aya di musium Sumedang ngarana "Kareta Kencana Naga Paksi" anu ditempatkeun diruangan khusus kareta di sagigireun ruangan kasenian.
Kitab atawa Qur'an jaman baheula oge aya, photo-photo Adipati Sumedang (saba'da runtagna karajaan Sumedang Larang), peta situs Sumedang larang nepi ka lukisan Pangeran Kornel keur sasalaman jeung Gubernur Daendles waktu ngawangun jalan pos Anyer-Panarukan di Cadas Pangeran anu ngabalukareun lobana korban warga masyarakat Sumedang harita.
Ngan hanjakal titinggal karajaan Sumedang larang di musium Sumedang teh teu kapintonkeun kabeh alatan aya sababaraha pakakas anu kudu diruwat di ruang khusus, dipiarana oge make campuran zat kimia. Oge masih kurangna visualisasi atawa gambaran ngeunaan Raja oge kandaga lante nu kuduna mah diwujudkeun ku gambar atawa lukisan.
Sajaba ti kitu musium teh ceuk pamikiran nu nulis dina waktu kamari datang ka musium. asa kurang daria ngurus musium teh padahal eta teh titinggal karajaan gede di tatar Sumedang malah di tatar Pasundan. Mudah-mudahan ka hareupna ieu musium Sumedang teh bisa diurus bener-bener, nepi ka lamun aya tamu teh bisa ngarasa jeung bisa nyawang kumaha gambaran Sumedang Larang sagemblengna, sajaba ti kitu ku digarapna nu profesional, musium oge ngarupakeun asset pemda nu bakal ngadatangkeun PAD Kab. Sumedang, wilujeng
